Nominee 2022
Bainvegni en il Museum dal Stgazi da la catedrala a Cuira
Il Museum dal Stgazi da la catedrala è d’impurtanza naziunala e sa chatta en il chastè episcopal a Cuira, in dals edifizis profans ils pli impurtants dal chantun Grischun. Il museum cumpiglia duas gruppas d’objects: il stgazi da la catedrala sco tal che consista da reliquiaris e d’objects liturgics ed il ciclus da maletgs da la mort dal 1543 ch’è in’ovra unica en Svizra. Questas custaivladads èn independentas ina da l’autra areguard l’istorgia da religiun e l’istorgia d’art e tuttas duas gruppas d’objects n’han betg mo ina gronda valur per las persunas dal fatg, mabain era per in public naziunal. Qua è il film per dar in emprim’impressiun!
Il Museum dal Stgazi da la catedrala è vegnì inaugurà ils 29 e 30 d’avust 2020 en il rom da dus dis da las portas avertas. Senza barrieras er accessiblas per giasts en sutga cun rodas.
dezember 23 enfin la fin d’avrigl 2024: mardi fin dumengia, 14 – 17. Serrà il glindesdi.
Il Museum dal Stgazi da la catedrala a Cuira era candidata 2022 al «European Museum of the Year Award».
App per l’audioguid
L’ app City E-Guide da Cuira Turissem: visitai a moda individuala il Museum dal Stgazi da la catedrala a Cuira ed ulteriuras attracziuns da la citad. Telechargiai l’app, connectai ils uregliers e giudai la visita guidada. Er per giasts cun impediments da vesida che han in’experientscha.
Telechargiai ussa l’app
Telechargiai ussa l’appViadi d’arriv
Il Museum dal Stgazi da la catedrala sa chatta en il chastè episcopal sin l’areal da la curt da l’uvestgieu da Cuira. Indicaziuns pli detagliadas davart il viadi d’arriv chattais Vus qua.